شامل ہیں اپنی لاش کے پسماندگاں میں ہم
مصروف ہیں زمانوں سے آہ وفغاں میں ہم
کس دھن میں کائنات سے باہر نکل گئے
اب کیا خبر مقیم ہیں کس کے مکاں میں ہم
ہم تھک گئےہیں اپنا نشاں کھوجتے ہوئے
آئندگاں میں ہیں نہ کہیں رفتگاں میں ہم
اب عکس بھی ہمارا ندی میں نہیں رہا
اے دوست ایسے کھوگئے آب رواں میں ہم
اکتاکے چھوڑ آئے فلک پار کا مکاں
اب تنگ ہورہے ہیں ترے خاکداں میں ہم
شامل ہیں اپنی لاش کے پسماندگاں میں ہم
(قمر رضا شہزاد)